lawak manado - jang pura-pura pak pendetaaaa

Ini cirita Wem yang memang so lama skali nyanda maso2 greja, kalu dia nda salah trakhir saat masih SD. samua tu istilah skarang PEKAT(penyakit masyarakat dia pe makanan hari2,trmasuk KDRT.... Nintau ada angin apa...kebetulan hari minggu pagi Wem suka skali mo maso greja...,hanya saja wem nyanda ada mo kase doi persembahan(derma).
Wem bongkar dp meitua Lince pe dompet dia dapa doi 5ribu... Singkat cirita,so dimuka greja Wem ja inga2 tu doi dia da nyolong. wem rencana cuma mo kase 2500 for persembahan kongtu sisa dia se bale pa mince...
Saat pak pendeta bahas tentang judi,Wem ada duduk so jdi merah dia pe muka lantaran malo..,pak pendeta sindir masalah selingkuh lagi,Wem kurang tengo kiri kanan lantaran dia pikir bak pendeta ja sindir samua tentang dia,,pak pendeta kore masalah KDRT leiiy,,Wem so jadi yakin skali kalu mmng dia yg pak pendeta pe maksud...
Pas mo kase persembahan,Wem kase samua dia pe doi 5 ribu,karna dia so yakin pak pendeta so tau musti kase bale 2500 for dia nanti. Saat samua jemaat so kaluar,,,tatinggal Wem masih ada duduk manis. pak pendeta senyum2 lia pa wem karena so molai bertobat.
Pak pendeta : ehhh...,pak wem slamat hari minggu kote(sambil dorang jabat tangan) wem cuma ta ngisi2 malo2.... Pak pendeta : kong,bagimana pak wem ada rasa saat maso greja dang??? (kong wem manyaoohh... Wem ; jang pura-pura pak pendetaaaa....,,Dua stengaaa... kamariiii......wkwkwkwkwk.....
Title : lawak manado - jang pura-pura pak pendetaaaa
Description : Ini cirita Wem yang memang so lama skali nyanda maso2 greja, kalu dia nda salah trakhir saat masih SD. samua tu istilah skarang PEKAT(penyak...

0 Response to "lawak manado - jang pura-pura pak pendetaaaa"

Post a Comment

Panduan berkomentar :
1. Berkomentarlah sesuai topik artikel
2. Dilarang komentar SPAM
3. Check list notify me untuk mendapat pemberitahuan balasan komentar anda

berlangganan artikel via email